കാസർഗോഡ്: തലപ്പാടി ബസ് അപകടത്തിൽ ഡ്രൈവർക്ക് ഗുരുതര വീഴ്ചയെന്ന് കർണാടക ആർടിസിയുടെ കണ്ടെത്തൽ. അമിത വേഗതയും അശ്രദ്ധയും അപകടത്തിനിടയാക്കിയെന്നും കണ്ടെത്തി. സർവീസ് റോഡിലൂടെ മാത്രം യാത്രയ്ക്ക് അനുമതി ഉണ്ടെന്നിരിക്കെ ദേശീയ പാതയിലൂടെ സർവീസ് നടത്തിയത് വീഴ്ചയെന്നും കണ്ടെത്തി.
കേരള -കർണാടക അതിർത്തിയായ തലപ്പാടി ചെക്ക് പോസ്റ്റിന് സമീപം ഉച്ചയ്ക്ക് രണ്ടുമണിയോടെയായിരുന്നു അപകടം. സ്ഥലത്തെ ദേശീയപാതയ്ക്ക് വീതി കുറവായിരുന്നു. ഡ്രൈവറായിരുന്ന നിജലിംഗപ്പ 14 വർഷമായി കർണാടക ആർടിസിയിൽ ജോലി ചെയ്ത് വരികയാണ്. ഏകദേശം മൂന്ന് വർഷമായി പ്രസ്തുത റൂട്ടിൽ ജോലി ചെയ്യുന്ന ഇയാൾക്ക്, നിയമങ്ങളെക്കുറിച്ച് കൃത്യമായി അറിവുണ്ടായിരുന്നെന്ന് കർണാടക ആർടിസി അന്വേഷണ റിപ്പോർട്ടിൽ പറയുന്നു.
The cause of the accident was excessive speed and carelessness; driver found to have made serious mistakes in the Thalappadi bus accident
.jpg)
